PIHA 'OHIPA NŌ TE TĀMĀ'ARA'A I TE FARE HA'API'IRA'A

'AI'AMUI I TE FARE HA'API'IRA'A : E 'AI I TE MA'A MAITA'I 'E TE HURU RAU

VERSION FRANÇAISE  >>
'Ua riro te tāmā'ara'a avatea 'ei taime faufa'a roa nō te mau tamari'i i te fare ha'api'ira'a, inaha ho'i, e fāri'i maita'i hia rātou nō te tāmā'a i roto i te hō'ē vāhi oraora maita'i.
La pause méridienne est un moment important, pendant lequel les élèves se retrouvent autour d’un repas servi à la cantine scolaire, un lieu qui se veut convivial et accueillant.
La pause méridienne est un moment important, pendant lequel les élèves se retrouvent autour d’un repas servi à la cantine scolaire, un lieu qui se veut convivial et accueillant.

Te faufa'a mau o te tāmā'ara'a i te fare ha'api'ira'a

Tē fa'ariro nei te mau 'oire i te tamari'i 'ei huira'atira nō ananahi, ma te ha'api'i ho'i iā rātou e aha te mā'a e au 'ia 'amu, mai tō rātou 'aru'arura'a mai, nā roto i te mau 'oire tunura'a 'e hōro'ara'a i te mā'a huru rau nā tā tātou mau tamari'i i te tuatahi 'e te tuarua.

'Ua riro te 'ai'āmuira'a i te fare ha'api'ira'a 'ei 'ohipa tōtiare ato'a nā tātou. Tē hina'aro nei te mau ti'a mā'iti hia o te mau 'oire nei 'ia fāna'o pāpū te mau tamari'i i te mā'a i te fare ha'api'ira'a, 'eiaha roa a'e rātou 'ia porori i te roara'a o te mahana i te fare ha'api'ira'a.

'Ua riro te mā'a 'ei fa'afārereira'a i te feiā tanu mā'a, te feiā tunu mā'a 'e te feiā tāmā'a. 'Ia hi'o hia te rahi 'e te pinepine o te 'ohipa 'ai'āmui i te fare ha'api'ira'a, 'ua riro ato'a te reira 'ei tauturu i te feiā fa'a'apu o te fenua nei.

Tauturu, a'o i te mau 'oire

E tauturu te 'Āmuitahira'a nei i te mau 'oire i roto i te fa'aineinera'a, te ha'amaura'a 'e tae noa atu i te 'āpe'era'a i tā rātou mau 'ōpuara'a nō te ha'amaita'i i te 'ai'āmuira'a i te fare ha'api'ira'a.

Mea nā'ō pa'i te ravera'a: E hi'o hia te anira'a a te 'oire, e fa'aoti hia ai nāhea e rave i te reira 'ia au i te fā e tītau hia ra 'e ma te mauiha'a e vai nei nō te reira. I muri mai, e 'āpe'e hia te 'oire, 'e e fa'anaho ato'a hia mai te tahi mau ārea nō te tuatāpapa i te nu'ura'a o tāna 'ōpuara'a.

Ta'a 'ē noa atu i te reira, e hi'opo'a ato'a hia atu te tahi atu mau 'ōpuara'a nō te pāhono pāpū i te mau anira'a a terā 'e terā 'oire, noa atu tō rātou fa'anahora'a 'e te rahi. I te mau matahiti i mahemo a'e nei, 'ua tūtava mātou i ni'a i te fa'aturera'a 'e te poritita tārifa.

'Ua fa'ata'a hia te tahi fa'atere 'ōpuara'a nō teie tuha'a 'ohipa nō te tāvini i nā 'oire ato'a tei 'āmui mai.

'Ia nae'a teie mau fā i te 'Āmuitahira'a, tē ha'a 'āpipiti nei 'oia 'e te tā'āto'ara'a o te mau ti'a ra : Te mau pū 'ohipa a te Hau Fenua, te mau tā'atira'a metua piehi, 'e te mau taiete unuma.